"Ceibal" plana Uruguayen: haur bat, ordenagailu bat

Ceibal plana (hasiera Ceibal proiektua deitua) Uruguayko martxorarte presidente izango den Tabare Vazquez-en iniziatiba bat da. Honen helburua, Uruguayko eskola publikoetako haur zein irakasle bakoitzak interneteko konexioa duen ordengailu bat izatea da. "Ceibal" izenak "ceibo" izeneko zuhaitzak, bere loreak (Uruguayko lore nazionala) eta mota horretako zuhaiztiek uruguaytarrentzat duten esanahi sinbolikoagatik aukeratu zuten. Hitza sigla bihurtu zuten, gaztelaniaz "Conectividad Educativa de Informática Básica para el Aprendizaje en Línea". Plan hau informazio eta ezagutzaren jendarterako inklusioa bilatzen duen plan zabalgo baten parte da.
Planaren oinarri estrategikoak honakoak dira:
Ekitatea, haur eta gazte guztientzako aukera berdintasuna, ezagutzaren demokratizazioa, eta aprendizaia eta horretarako tresnak izatea.
Plana ordenagailuan oinarritu da, ikasle eta irakasle bakoitzak horrelako bat izatean. Oro har, helburu hori bete da eta Lehen Hezkuntzako eskola publikoetan errealitate bat da jadanik. Honela Uruguay aitzindari da mundu mailan gisa honetako planetan.
Teknologia berrien demokratizazioa, iraultza teknologikoa, propaganda hutsa, hezkuntza berrikuntza, marketing-a, negozioa, aukera berdintasuna... Hamaika izan dira uruguayen ceibal planaren harira entzun diren iritziak, bakoitza bere arrazoiaren zatitxoarekin; distira duen oro ez baita urrea, baina baita ere, amets handiak ez baitira bihurtzen errealitate gauetik goizera.
Gurean ere teknologia berrien eta zehatzago, ordenagailuen erabilera, ikasgeletan inposatzen ari da: ikastoletako ikasys proiektua, Euskal Autonomi Erkidegoko Hezkuntza sailaren proposamena, liburu eta arbela digitalen erabilera... Badirudi teknologia berriak gainera datozkigula inolako eztabaida eta hausnarketarik gabe.
Jarraian aurkezten den bideoa uruguayen martxan jarritako esperientziaren erakusgarri da. Agerikoa eta partziala bada ere, ez da izango bloggean gai honen inguruan publikatuko den gauza bakarra. Aurrerantzean, nire ustez gai honek duen garrantzia aintzat hartuta, ceibal planaren inguruko publikazio ezberdinak aurkeztuko dira; gai honen inguruko iritzi ezberdinak biltzeko ahalegin batean.
Gure herritik horrenbeste kilometrora garatzen ari den esperientzia hau izan dadila gurean egin denaren, egiten ari denaren eta egingo denaren inguruan hausnartzeko pizgarri.

Sarasateko adierazpena

Edozein herriren geroa ziurtatzeko, ezinbestekoa da Hezkuntza Sistema herriaren beharretara egokitzea. Euskal Herriaren biziraupena hezkuntza sistemak bermatuko du eta gure eskuetan ditugun tresnen bidez, herri honen etorkizuna bermatuko dugu.

Euskal Herrian bizi dugun hezkuntza-egoera ikusita, ordea, kezkaz beterik egiten dugu agerraldi hau. Izan ere, hezkuntza administrazio ezberdinek gure herria ahaztu eta arrotzak zaizkigun ereduak inposatzen ari baitira. Atzerapausu nabariak gauzatzen ari dira lurraldez lurralde: eskolaren bidez ikasleak euskalduntzeko duten eskubidearen urraketa; hizkuntza ereduen politikaren porrota datu bidez baieztatua egon arren, A ereduaren aldeko apustua egiten jarraitzen da; curriculum arrotzen araberako balore, jakintza eta ezagutzen nagusigo behartua, hezkuntza adoktrinamendurako esparru bilakatuz; gure herria irudikatzen ez duten mapen erabilera ikastetxeetan behartuz; Haurren beharretara baino, gurasoen behar asistentzial hutsetara mugatzen diren haurtzandegi zerbitzuak areagotzen ari dira; norberaren garapena kolektibitatean garatzeko baliabideak alboratzen dira; ikasle akritikoak bultzatzen dituzten hezkuntza ereduen sustapena; etabar luze bat.

Honek guztiak, ordea, helburu ilunagoa duelakoan daude: Hezkuntza Sistema Nazionalaren aldeko mugimendua indargabetzea eta gaur egunean ditugun apurrak defendatzera mugatzea. Honi, denboran atzera begira gelditzeko nahia gehitu behar diogu, izan ere, 1993an Euskal Eskola Publikoaren legearekin bultzaturiko zatiketa indarberritu nahian dabiltza, hainbeste eztabaida zein hika-mika sorturiko eztabaida antzua. Eztabaida hori gure egin bagenuen ere, argi dugu ez zela euskaldunok sustaturiko zatiketa izan, kanpo faktore maltzurrek eragindakoa, baizik. Hemen bildutakook gure mugen baitan erabakitzen dugun ereduaren alde egiten dugu, gure herriaren ikuspegitik definituko duguna eta gure herrian ezarriko dena, “Euskal Hezkuntza Zerbitzu Publikoa”, hain zuzen ere. Beraz, ez da bakoitza berearekin tematzeko garaia, Herri bezala batzen gaituzten aldarrikapenak indartzeko eta urrats praktikoak emateko garaia da.

Honegatik aurreko ikasturte amaieran euskal hezkuntzaren alde lanean leku ezberdinetan ziharduten 200 pertsonek bultzatutako Sarasateko Adierazpena aurkeztu zuten Sarasate Pasealekuko Foruen Monumentuaren azpian. Bertan agertu ziren 40 ikasle, irakasle, guraso eta langileok, sare ezberdinetakoak eta pentsamolde ezberdinetakoak ziren ziuraski. Baina hala ere minimo batzuek elkartzen zituzten, eta hori da Sarasateko Adierazpenak eskaintzen du:

ADIERAZPENA

DEITZAILEAK

Educación en la Revolución

Kubako hezkuntzaren inguruko dokumentala duzue ondorengoa. Bi zatitan, kubako iraultzaren baitan hezkuntza arloan emandako iraultzaren berri ematen du; ez baitago ulertzerik jendarte eraldaketarik hezkuntza aldaketarik gabe, ez eta hezkuntza aldaketarik jendarte aldaketarik gabe.

1)


2)

Paulo Freire: Política

Ondorengo bideoan, politikaz eta hezkuntzaz mintzo zaigu Paulo Freire pedagogo brasildarra

Paulo Freire: Pedagogia

Hona hemen Paulo Freireren hitz interesgarriak pedagogia eta hezkuntzaren inguruan

Hilaren 16an denok Batzar Irekira!!!